Në lidhje me procesin e zgjedhjes së Presidentit të ri, analisti Baton Haxhiu u shpreh se Kryeministri Edi Rama e ka mundësinë për ta zgjedhur vetë, por kërkon që të ketë një përplasje brenda opozitës lidhur me këtë çështje. Haxhiu tha se Rama po e vendos opozitën në një situatë shumë të vështirë. Sipas tij, Rama ka strategji dhe do të djegë edhe raundin e dytë e tretë, për ta zgjedhur më pas vetë Kreun e Shtetit.
“Rama e ka mundësinë e zgjedhjes së presidentit, e ka idenë se edhe kush mund të jetë. Por, a e do një përplasje të opozitës edhe për këtë çështje? E do. A e do që ta vendosë në opinion publik dhe të ndërkombëtarëve që këta ende nuk mund të jenë si grup parlamentar me një komunikim për një çështje kaq të rëndësishme? E bën. Mendoj që opozitën po e vendos në një situatë shumë të vështirë” – tha Haxhiu.
Discussion about this post