Kryeministri Edi Rama ka folur për zgjedhjen e Presidentit të ri dhe procesin e ndjekur për zgjedhjen e tij nga PS në mbledhjen e grupit. Ai tha se janë marrë në konsideratë disa propozime dhe pas konsultimeve arritën në emrin e Bajram Begajt. Mes ironie ai theksoi se falë fshehtësisë së procesit garantuam shmangien nga “thashethemnajat” mediatike. Sipas tij, mënyra se si u zhvillua procesi bëri që të zgjidhet për kandidatë njëj figurë mjaftë e lartë dhe e pandikuar nga politika.
“I falenderoj të gjithë ata që morën pjesë në këtë proces. Bëhet fjalë për të identifikuar dikë që do të përmbushë kërkesa shumë specifike por njëkohësisht për të garantuar respektin e kandidatëve në një proces që kthehet në një thashethemnajë të madhe që merr rrugët e pazarit mediatik. Procesi që zhvilluam në grup na dha të drejtë në fund. Marrja e propozimeve me zarfet e selektuara që më pas u vunë në dispozicion të PS-së për një diskutim konkret emër për emër dhe kategrori për kategori.
Konslutimet na mundësuan të arrijmë në një konkluzion për një figurë me një profil sa të lartë aq edhe të paangazhuar në gjithë këtë përplasje apo rrugët që kryeqëzohen në arenën politike. Kjo gjë na bën të ndihemi të lehtësuar nga barra e përzgjedhjes si forca dominuese që ka përgjegjësinë për të udhëhequr jetën e vendit”, tha Rama.
Discussion about this post