Ka mbetur pak më shumë se një muaj nga zgjedhjet parlamentare të 11 Majit, teksa partitë politike kanë ndezur prej kohësh “motorrët” e fushatës. Gjithsesi, zyrtarisht fushata elektorale nis më 11 Prill, 1 muaj para datës së zgjedhjeve.
Gjithsesi, burime për mediat bëjnë me dije se socialistët kanë vendosur që mitingun hapës të fushatës ta bëjnë të shtunën e 12 Prillit në mesditë. Detajet janë ende duke u diskutuar nga selia rozë.
Ndërkohë, mësohet se demokratët e kanë marrë vendimin përfundimtar. Ata do të mblidhen në sheshin “Nënë Tereza” të premten e 11 Prillit në orën 19:00.
Të gjithë forcat politike kanë mbi një muaj që kanë nisur takimet elektorale dhe prezantimin e skuadrës së tyre të kandidatëve për deputetë.
Discussion about this post