Komisioni Qendror i Zgjedhjeve miratoi në mbledhjen e zhvilluar pasditen e së martës kërkesën e depozituar një natë më parë nga 3 koalicione për t’u regjistruar në zgjedhjet e 11 majit.
Sali Berisha do të garojë në zgjedhje me 25 aleatë përfshi Shpëtim Idrizin e PDIU, në koalicionin e quajtur “Aleanca për Shqipërinë Madhështore”.
Partia Lëvizja për Zhvillimin Kombëtar e kryesuar nga Dashamir Shehi do të garojë në zgjedhjet e 11 majit në një koalicion me Djathtas 1912 e kryesuar nga Enkelejd Alibeaj, koalicioni do të mbajë emrin “Djathtas për Zhvillim”, ndërsa shkronjat nistore do jenë “DZH”.
Partia Shqipëria Bëhet, Nisma Thurje dhe Lidhja për të Drejtat e Punëtorëve Shqiptarë janë regjistruar nën koalicionin Nisma Shqipëria Bëhet, me drejtues Adriatik Lapaj. Gjithashtu logoja e koalicionit do të jetë logoja e Partisë “Lëvizja Shqipëria Bëhet”.
Pas regjistrimit te koalicioneve, afati i radhës është ai për regjistrimin e kandidateve për deputet ku afati për dorëzimin e listave shumëemërore skadon ne 12 mars.
Discussion about this post