Shefja e Misionit të Vëzhguesve të ODIHR, Audrey Glover ka zhvilluar sot një takim me Komisionerin Shtetëror të Zgjedhjeve, Ilirjan Celibashi, takim i cili zgjati rreth 50 minuta.
Në dalje nga KQZ, Glover nuk dha detaje, por takimi mendohet se është përqendruar te procesi zgjedhor i 14 majit dhe çështjet që lidhen me gjetjet e raportit të ndërmjetëm të ODIHR.
Në KQZ rreth orës 12:30 pritet një mbledhje, ku do ketë vendimmarrje për rezultatin paraprak për kryetar të bashkisë së Rrogozhinës dhe këshillin bashkiak. Gjithashtu, Ilirjan Celibashi do të shpallë rezultatin përfundimtar për Belshin. Për këto dy bashki opozita do të ketë kontestime dhe do të përcjellin në KAS ankimimet përkatëse. Për raportin përfundimtar do të duhet më shumë kohë.
Discussion about this post