Klevis Balliu, ish-deputet i PD, nga studion e Panorama Tv, tha se në zgjedhjet e 14 majit janë realizuar tre skema për atë që e quajti si vjedhje votash në kurriz të opozitës.
Balliu tha se vjedhja zyrtare është heqja nga lista e votuesve të 180 mijë personave, ndërkohë që për 1.3 mln të tjuerë është ndryshuar qendra e votimit pa asnjë njoftim.
Gjithashtu Balliu si një shkelje mjaft të rëndë renditi disbursimin e qindar miliona lekëve që iu dhanë pensionistëve në formë shpërblimi apo ndihme ekonomike, duke shtuar se skema në fjalë përfshiu 500 mijë persona.
Një tjetër shkelje e evidentuar në procesin e 14 majit, sipas Balliut, ishte ajo e votuesve shëtitës, që kanë votuar më shumë se një herë.
Në intervistën e tij, Balliu gjithashtu përmendi shpërndarjen e pagesave që qytetarët të mos merrnin pjesë në zgjedhje. Në këtë kuadër Balliu kujtoi edhe thirrjet e Kryeministrit gjatë fushatës që i kërkonte qytetarëve të mos shkonin të votonin, duke u shprehur se Rama mbetet i vetmi kryetar qeverie në Botë që i kërkon popullit të mos votojë.
Referuar denoncimeve me video nga opozita, Balliu tha se në Bashkinë Kamëz, atje ku votimi ishte elektronik, në emër të votuesve, votonte operatori i qendrës së votimit.
“Këto prova dhe fakte të vjedhjes së votës duhet t’i gjente prokuroria. Kemi denoncuar këtu disa raste ku gati në çdo qendër votimi kishte persona që kishin dhënë para që qytetarët të mos shkonin në votim”, tha Balliu.
Discussion about this post