Komisioni Qendror i Zgjedhjeve ka publikuar ndarjen e mandateve për këshillat bashkiakë, referuar rezultateve të zgjedhjeve të 14 majit.
Socialistët e drejtuar nga Edi Rama, që morën kontrollin e kryebashkiakëve në 53 bashki, kryesojnë edhe listën përsa i takon numrit të këshilltarëve lokalë. Kështu referuar shifrave nga KQZ nga 1613 mandate këshilltarësh për 61 bashkitë e vendit, PS ka 758 mandate.
Vendin e dytë e mban koalicioni “Bashkë Fitojmë” ku përfshiheshin Partia e Lirisë, PD e drejtuar nga Sali Berisha, PDK e Nard Ndokës dhe PBDNJ e Vangjel Dules.
Ky koalicion do të ketë 292 këshilltarë bashkiakë në 61 bashkitë, ndërsa PD e vulës, sikundër njihet ajo që me vendim gjykate zotëron siglën e partisë më të madhe opozitare, do të ketë 123 mandate.
Surpriza e zgjedhjeve mbetet PSD e Tom Doshit që për herë të parë arrin 116 mandate këshilltarësh bashkiakë
Discussion about this post