Zgjedhjet e 14 majit, mbyllet zyrtarisht procesi i votimit

Është mbyllur zyrtarisht procesi i votimit në të gjithë vendin për zgjedhjen e 61 kryetarëve të rinj të bashkive dhe këshillat bashkiakë.

Mbi 3 milionë e 650 mijë qytetarë kishin të drejtën për të votuar për zgjedhjen e drejtuesve të rinj lokalë që do të drejtojnë bashkitë për 4 vitet e ardhshme.

Qendrat e votimit u hapën në orën 07:00 të mëngjesit, teksa incidente shoqëruan procesin zgjedhor.

Problematikat më të mëdha u hasën me Pajisjet e Identifikimit Elektronik, çka detyroi KQZ që dy orë pas hapjes së qendrave të merrte një vendim për vijimin e procesit në mënyrë manuale.

Nga opozita kryesisht, pati denoncime për presione ndaj votuesve. U konstatua shkelje e vendimit të KQZ për respektimin e grumbullimeve nga qendra e votimit. Pati po ashtu dhunë fizike. Në Elbasan dhe Vorë ku votohet elektronikisht, u raportua për dyshime të manipulimit të votës nga sistemi.

Sipas të dhënave paraprake nga Komisioni Qendror i Zgjedhjeve, deri në orën 18:00 votuan rreth 36.39% e votuesve.