Kur na ndajnë edhe pak muaj nga zgjedhjet lokale të 14 majit, kryetari i Partisë së Lirisë, Ilir Meta u ka bërë apel qytetarëve që të mos hezitojnë, por të dalin dhe të votojnë.
Sipas Metës, nëse qytetarët nuk do të marrin pjesë në votim, atëherë abuzimet e qeverisë do të thellohen edhe më shumë dhe njerëzit nuk do kenë të drejtë të ankohen.
Meta thekson se ‘14 Maji është jo vetëm mundësia e ndëshkimit të Qeverisë, por edhe dita e triumfit të zërit qytetar!’
“Vota është instrumenti më i çmuar i qytetarëve për të ndalur arrogancën dhe brutalitetin e kësaj Qeverie të korruptuar. Për të gjithë ata qytetarë, që edhe pse janë të pakënaqur, hezitojnë të votojnë apeli im është ky: Nëse nuk merrni pjesë në votime, abuzimet e Qeverisë ndaj jush, jo vetëm do të thellohen, por duke mos votuar, ju nuk do të keni të drejtë dhe të ankoheni! Prandaj 14 Maji është jo vetëm mundësia e ndëshkimit të Qeverisë, por edhe dita e triumfit të zërit qytetar”, tha Meta në një intervistë për Vizion Plus.
Discussion about this post