Kryeministri Edi Rama ka vijuar turin e falenderimeve në qarkun e Dibrës, ndërsa nuk ka lënë mënjanë ironinë ndaj burrave që në 14 maj qëndruan të mbyllur në shtëpi, duke mos votuar opozitën.
“Nuk rri dot pa i ndarë në këtë falënderim të posaçëm duke i thënë se i kam kërkuar ndihmë grave. E kam me gratë e të djathtëve që kanë ndikuar te një pjesë e mirë e atyre burrave që të mos dalin nga shtëpia atë ditë. i falenderoj shumë”, u shpreh Rama.
Dhe si të mos mjaftonte kjo batutë, Rama vijoi duke thënë se në Bulqizë ku ishte bërë zakon të mendohej se ishte një vend burrash, një vend trimash që tregonin bëmat e tyre nëpër klube, për të cilët do të fliste më pas legjenda, fitoi një grua që i mori gjithë burrat përpara.
“Historia e këtyre zgjedhjeve në qarkun e Dibrës është histori e jashtëzkaonsdhme ndryshimi, dy vendet më të karakterizuara nga mustaqet imagjinare, do t’i drejtojnë dy gra”, tha Rama.
Discussion about this post