Partia Socialiste ka ndezur motorët e punës duke u bërë e para parti që do të çelë zyrtarisht fushatën për Bashkinë e Lushnjes. Lajmin e bën të ditur drejtuesi politik i qarkut të Fierit, Taulant Balla përmes një postimi në rrjetet sociale.
PS do të garojë në Lushnje me Eriselda Sefa, e cila ka qenë kryetarja në detyre e Bashkisë pas arrestimit të Fatos Tushes.
“Erdhi e mirëpritur kjo fushatë e pjesshme zgjedhore në Lushnje. Them e mirëpritur sepse duhej miratimi i i domosdoshëm i popullit të kësaj bashkie për ekipin që duhet të zbatojë shumë projekte dhe punë të mëdha në këtë bashki. Me Eriselda Sefa vetëm në pak javë startoi një qasje e re në administrimin e bashkisë. Eksperienca e saj prej 16 vitesh në qeverisjen vendore me fokus tek projektet me donatorët e huaj, e dhanë menjeherë efektin pozitiv, megjithë kohën e shkurtër”, shkruan Balla.
Nga ana tjetër, PD ende nuk ka bërë publike kandidatin që do ta përfaqësojë në Lushnje, ndërsa KQZ ka bërë me dije se sot është afati i fundit për regjistrimin e koalicioneve.
Discussion about this post