Vetëm një ditë pasi presidenti Ilir Meta dekretoi 6 marsin si datën zyrtare kur do të mbahen zgjedhjet e pjesshme lokale, Partia Socialiste i është futur punës duke nisur me qarkun e Durrësit.
Mësohet se, socialistët do të kandidojnë në këtë qark Emirjana Sakon, e cila aktualisht është kryetarja në detyrë e Durrësit dhe që u përzgjodh nga Këshilli Bashkiak pas dorëheqjes së papritur të ish-kryetares Valbona Sako pas tërmetit të rëndë që shkaktoi 51 viktima dhe qindra të plagosur.
Burime për News 24 mësojnë se pritet të nisë mbledhja e Kryesisë së PS në Durrës për të prezantuar kandidaten Sako, e cila ka marrë edhe mbështetjen e kryeministrit Edi Rama për të kandiduar për kryetare bashkie në Qarkun e Durrësit.
Përveç Durrësit, zgjedhje do të mbahen edhe në bashkitë Shkodër, Dibër, Vorë, Rrogozhinë dhe Lushnjë. Nga ana tjetër, nuk ka ende asnjë reagim nga PD nëse do të futen në zgjedhje apo kë do të paraqesin si kandidatë.
Discussion about this post