Qëndresa Qytetare ka kallëzuar ditën e sotme ne Komisionin Qendror të Zgjedhjeve 4 zyrtare publike. Sipas kallëzimit, këta zyrtarë kanë përdorur pozicionin dhe burimet shtetërore që i ofron detyra për të mbështetur kandidatët që garojnë në zgjedhjet e 6 Marsit.
“Qëndresa Qytetare i bën thirrje zyrtareve shtetërore të qëndrojnë larg nga fushata elektorale dhe të mos përdorin postin për përfitime zgjedhore, në të kundërt do të përballen me sanksione administrative dhe penale.
Ne ftojmë çdo nëpunës te administratës publike të denoncojë çdo presion apo tentativë për t’u detyruar për mënyrën e votimit apo angazhimit për një kandidat te caktuar”, thuhet në deklaratë.
Disa nga të paditurit janë Drejtori i Agjencisë Kombëtare së Mbrojtjes Civile, z. Haki Cako, së bashku me kandidaten e Partisë Socialiste për Krytare e Bashkisë Shkodër, Znj. Majlinda Angon, , drejtuesi politik i Partisë Socialiste për qarkun e Fierit, Taulant Balla dhe ministrja e Shëndetësisë dhe Mbrojtjes Sociale, Ogerta Manastirliu dhe kandidatja e Partisë Socialiste për kryetare të Bashkisë Durrës Znj. Emiriana Sako
Discussion about this post