Deputeti i Partisë Demokratike, Ervin Salianji, në një intervistë për mediat shprehet se kandidatët e Sali Berishës për zgjedhjet e 6 marsit kanë si qëllim dëmtimin e PD-së.
Salianji komentoi kandidatët e “Foltores” ku tha se i shërbejnë Edi Ramës.
“Nuk dua të hyj, por meqë kanë hyrë për të dëmtuar PD. Në Durrës (Ardian Muka) nuk ka hyrë dot në organet vendore për të pasur ndonjë rol drejtues. Si të thuash të vijë ndonjë tjetër që shet beton të bëjë ndonjë votë. Pranimi për të dëmtuar dhe dalë jashtë siglës së PD. Ne mund të kemi diskutime, por duhet ti zgjidhim me njëri tjetrin. Çdo kandidat që ka dalë jashtë PD është një kandidat që i shërben drejtpërdrejt qeverisë” – u shpreh Salianji.
Më tej, Salianji u shpreh se Partia Demokratike është në garë vetëm me Partinë Socialiste.
“Ne kemi garë me PS. Ne nuk hyjmë si këta rëndësi ka pjesëmarrja. E tregoi pjesëmarrja sesi ishin dje bosh. I kemi parë si kanë qenë votimet në PD ku ka radhë të gjata. Këta kandidatët janë tipikisht kështu, nuk kanë rëndësi çfarë marr unë po hiqja vëllait” – tha Salianji.
Discussion about this post