Komisioneri Shtetëror i Zgjedhjeve Ilirjan Celibashi miratoi në mbledhjen e kësaj të marte regjistrimin e 11 partive politike në zgjedhjet e pjesshme të datës 4 Gusht në Himarë.
Partitë e regjistruara janë: Partia Socialiste e Shqipërisë, Partia Republikane Shqiptare, Partia Demokristiane e Shqipërisë, Fryma e Re Demokratike, Partia Bashkimit për të Drejtat e Njeriut, Partia e Lirisë, Partia Balli Kombëtar, Partia Demokratike, Partia Agrare Ambjentaliste e Shqipërisë, Balli Kombëtar Demokrat, Partia Bashkimi Demokrat Shqiptar.
Këto subjekte do të garojnë për këshillat bashkiakë, ndërsa gara për kryetarin e ri do të zhvillohet mes Vangjel Tavos së PS-së dhe Petro Gjikurisë, së mbështetur nga opozita.
Discussion about this post