Komisioni i Rithemelimit të Partisë Demokratike ka deklaruar se është mbyllur procesi i numërimit të votave për kryetar të degëve të PD-së në qytetin e Përmetit dhe Tepelenës.
Sipas rezultatit të votimeve, në degën e Përmetit, kryetar është zgjedhur Arson Kleanthi Lipe, i cili ka marrë 174 vota me një diferencë të lartë përballë Kiara Manushit e cila ka marrë vetëm 35 vota.
Ndërkohë në degën e Tepelenës, kreytar i Partisë Demokratike është shpallur Malo Sadikaj me 107 vota, kundrejt Vullnet Xhelilit që ka marrë vetëm 46 vota.
Në rast se në Qendrat e tjera të Votimit do të ketë ende votues, procesi do të vijojë edhe pas orës 18.00 ndërkohë Komisioni i Rithemelimit ka mbyllur zgjedhjen e kryetarëve dhe në disa degë të Partisë Demokratike.
Sipas njoftimit për mediat, procesi i votimit është mbyllur në degën Gjirokastër, Skrapar, Kuçovë, Elbasan, Paskuqan dhe disa degë në Tiranë.
Discussion about this post