Zgjedhjet e PD, zgjidhet kryetari i ri i degës në Lushnjë

Pak minuta më parë është mbyllur procesi i votimit në qytetin e Lushnjës, ku pritet të zgjidhet kreu i ri i Partisë Demokratike në këtë degë. Komisioni i Rithemelimit pas 30 minutash pas shtyrjes së procesit, nisi atë të numërimit të votave. Për kreun e PD-së në Lushnje garojnë: Kujtim Gina, Eduard Sharka dhe Klement Çela

Kujtojmë se më herët u shpallën fituesit në Dimal, Poliçan dhe Kolonjë.

Por, rreth orës 20:00 u mbyll në Lushnjë procesi i numërimit të votave që shpallën fituesin për kryetar dege në këtë qytet.

Nga 817 votues 7 dolën të pavlefshme dhe fitues u shpall, Eduard Sharka, që njëkohësisht mban edhe postin e kryetarit të Sindikatës së Fermerëve.

Sharka mori 431 vota, Klement Çela 343 vota dhe Kujtim Gjini 38 vota.