Komisioni Qendror i Zgjedhjeve ka miratuar fondin prej 1.6 milionë euro për organizimin e zgjedhjeve të pjesshme lokale që do të mbahen më 9 nëntor në pesë bashki të vendit.
Zgjedhjet do të zhvillohen në Vlorë, Tepelenë, Mat, Cërrik dhe Berat, pas pezullimit të procesit në disa bashki për shkak të zhvillimeve të fundit politike dhe institucionale.
KQZ pritet të publikojë në ditët në vijim edhe kalendarin zyrtar të fushatës dhe afatet për regjistrimin e kandidatëve në secilën bashki.
Zgjedhjet e pjesshme të 9 nëntorit vijnë pas dekretit të Presidentit Bajram Begaj, i cili shpalli datën për zhvillimin e procesit në pesë bashki, përfshirë Tiranën
Në kryeqytet, zgjedhjet u pezulluan përkohësisht për shkak të situatës ligjore që përfshin ish-kryebashkiakun Erion Veliaj, i cili kundërshton vendimin për shkarkimin e tij dhe e konsideron dekretin presidencial si antikushtetues.
Discussion about this post