Në një postim në Facebook, deputeti i Partisë Demokratike, Ervin Salianji shprehet se kryedemokrati Lulzim Basha duhet të dorëhiqet pasi është ai problem në PD. Salianji shkruan se në politikë humbësi duhet të largohet dhe nuk mundet as të përcaktojë se kush do të jetë pas tij.
“Dorëheqja është akt i ndërgjegjes por dhe normë morale e pashkruar në politikë, çdo humbës largohet dhe as mendon dhe as mund te imagjinohet që humbësi të caktojë se kush do jetë pas tij! Historia na tregoi se përzgjedhja e pasardhësit sjell vetëm dështim! Zgjedhjet nuk i humbën demokratët, ata dhe elektorati i djathtë refuzuan Lulzim Bashën, shoqëria e braktisi po ashtu! Për interes të Partisë Demokratike shumica e Grupit Parlamentar kërkoi dorëheqjen e tij, duke e identifikuar atë si problemin! Vota ishte kundër tij!” – shkruan Salianji.
Që pas zgjedhjeve të pjesshme të 6 Marsit, Salianji është një ndër deputetët që i ka kërkuar dorëheqjen Lulzim Bashës, që sipas tij është zgjidhja më e mirë për Partinë Demokratike.
Discussion about this post