I ftuar në “Opinion”, deputeti i Partisë Demokratike Belind Këlliçi është shprehur se është thurur një skenar që në zgjedhjet e ardhshme lokale të shkohet pa Opozitën, në mënyrë që kryeministri Edi Rama të jetë i favorizuar. Këlliçi tha se krizës që ka aktualisht PD-ja po refuzohet që t’i jepet fund në mënyrë që Rama të mbahet ende në pushtet.
“Në PD ka një krizë e cila refuzohet t’i jepet fund për shkak se duhet mbajtur me çdo kusht Edi Rama në pushtet. Ky është problemi. Të vetmit skenar që këtu po i jepet oksigjen është skenari që në zgjedhjet lokale të shkohet pa opozitën dhe Edi Rama të marrë prapë të gjitha bashkitë dhe këtij qëllimi po i shërbehet sot. Që t’i hiqet vula shumicës, t’i hiqet logo, por të lihet opozita e papërfaqësuar. Kjo nuk do të ndodhë”- tha Këlliçi ndër të tjera.
Discussion about this post