Më 17 tetor 2021 Maqedonia e Veriut do të mbaj zgjedhjet lokale dhe partitë atje kanë nisur fushatën. Por krejt papritur në zgjedhje është shfaqur edhe kryebashkiaku i Tiranës, Erion Veliaj, i cili doli në mbështetje të homologut të tij Petre Shilegov.
Në një shëtitje me biçikletë, si Veliaj ashtu edhe Shilegov kanë përcjellë një mesazh për të gjithë qytetarët duke kërkuar votën e tyre. Ndërkohë që sigurisht që Veliaj nuk e ka humbur mundësinë që të flasë edhe për “arritjet” e tij në Tiranë.
Pra, kreu i Bashkisë së Tiranës ka zgjedhur të mbështes një kandidat nga partitë Maqedonase dhe jo kandidatët nga partitë shqiptare.
Por Veliaj nuk është i pari që e bën këtë, pasi edhe shefi i tij, kryeministri Edi Rama ka bërë të njëjtën gjë në zgjedhjet e Malit të Zi. Rama doli me një mesazh ku bënte thirrje që shqiptarët të mbështesnin ish-kryeministrin Milo Gjukanoviç dhe nuk mori guximin që të bënte thirrje për kandidatët shqiptarë.
