Qendrat e votimit në Çair janë hapur me kohë, por në qendrën me numër 2942 në Shkollën Fillore Ismail Qemali, sistemi i vendosjes së shenjave së gishtave nuk funksionon dhe si rrjedhojë qytetarët nuk mund të ushtrojnë të drejtën e votës në këto zgjedhje lokale.
Kryetari i Qendrës së votimit, Feta Ibrahimi tha se problemet janë raportuar dhe priten së shpejti të vijnë autoritetet.
Deri më tani janë rreth 3000 qytetarë të cilët akoma nuk kanë votuar edhe pse ndodhen në këtë qendër votimi që në orët e para të mëngjesit.
