Kryetari i Partisë Demokratike Sali Berisha ka deklaruar se është gati për tu ulur në tryezë me aleatët e djathtë për të diskutuar për kandidatin e përbashkët të opozitës në zgjedhjet lokale të 2023. Ai shtoi se është i gatshëm të bëjë maksimumin që të arrijë konsensusin me ta. Gjithashtu, Berisha zbuloi planin për nesër, se Këshilli Kombëtar do të mblidhet për të diskutuar në lidhje me primaret.
“Sigurisht do ulemi me aleatet me PL dhe aleatë të tjerë do bëjmë gjithçka që të arrijmë maksimumin e konsensusit. Ne nga primaret nuk mund kurrsesi të largohemi. Nëse largohemi nga primaret ne nuk jemi më vetja jonë. Nesër mblidhet Këshilli Kombëtar për të diskutuar për primaret që do të zhvillohen. Nuk e di cili mendim do të mbizotërojë”, tha Berisha.
Discussion about this post