Kryeministri Rama ka kërcënuar direkt kryesinë e Partisë Socialiste për zgjedhjet lokale të 14 majit, duke u vënë detyrim fitimin e tyre. Ky kërcënim ka ardhur në mbledhjen me dyer të mbyllura që zhvilloi pasditen e së dielës. Gjatë kësaj mbledhje ishin të pranishëm 59 kryetarët e bashkive socialiste.
Në fjalë ne tij, kreu i PS, njëkohësisht kryeministër i vendit, është ndalur tek problemet aktuale. Rama ka kërkuar zgjidhjen e tyre, me qëllim fitimin e zgjedhjeve. “Nëse nuk fitoni zgjedhjet, do të shkoni në burg”, mësohet se është shprehur Rama ndaj kryebashkiakëve. Më pas, ai i është drejtuar në veçanti edhe kryebahkiakut Veliaj. “Ti, nëse nuk fiton Tiranën, jo vetëm që do shkosh në burg, por do kesh dhe hunj brenda”, mësohet të jetë shprehur Rama.
Ky reagim i kryesocialistit vjen një ditë pas protestës së opozitës. Duket se protesta e konsideruar si një nga më të mëdhatë gjatë kësaj kohe i ka futur frikën Ramës. Prej disa javësh kryeministri Edi Rama ka nisur një tur takimesh me qytetarët në të gjithë vendin. Në këto takime ka konfirmuar edhe disa kryebashkiakëve socialistë, por ai ende nuk e kishte ashpërsuar gjuhën.
Në zgjedhjet e 14 majit, PS pritet të rikonfirmjë 60% të kryetarëve aktualë. Nga 59 kryetarët e bashkive socialiste, mësohet se rreth 20 prej tyre nuk do t’ju besohet një tjetër mandat. I vetmi që është deklaruar publikisht që nuk do të jetë në kandidim është Dritan Leli në Vlorë. Rikonfirmimi pritet edhe kryetarin e bashkisë Tiranë, Lezhë, Fier, Lushnjë, Cërrik, Dibër, Durrës, Vorë, Rrogozhinë dhe Shijak.
Lexo edhe: Berisha: Pas aferës së Durrësit fshihet Rama dhe Lulzim Brava
Discussion about this post