“Zgjedhjet në degë të njëanshme”, Gështenja: Të fillojnë nga zero me grupe të përbashkëta

Në një intervistë për mediat, deputeti demokrat Lefter Gështenja, u shpreh se ka kërkuar ç’tensionimin e grupit parlamentar dhe më pas atë në terren. Gështenja tha se 31 deputetë janë në unison dhe kanë thënë se ky proces zgjedhjeve janë të njëanshëm dhe duhet ndaluar e nisur nga e para. Ai gjithashtu është shprehur se në shumë zona nuk ka pasur garë, dhe një gjë e tillë është thënë hapur.

“Unë kam kërkuar ç’tensionimin e grupit parlamentar dhe më pas atë në terren. Ne duhet të gjejmë pikat tona të përbashkëta. Unë kam folur me një pjesë të madhe të grupit parlamentar para se ta prezantoja këtë platformë dhe është marrë konsensusi i deputetëve. 31 deputetë janë në unison dhe kanë thënë se ky proces zgjedhjeve janë të njëanshëm dhe duhet ndaluar e nisur nga e para. Ne kemi lënë jashtë anëtarësinë reale të partisë sepse mendojnë ndryshe. Ka filluar procesi i njëanshëm në strukturat e partive. Kanë pasur të drejtë të votojnë të gjithë, por ama kanë votuar vetëm që kanë plotësuar vetëm formularin e rithemelimit. Nuk po marrin pjesë demokratët të gjithë, prandaj ne kërkojmë që të nisë procesi nga e para me pjesëmarrjen e të gjithë demokratëve. Në shumë zona nuk ka pasur garë, dhe një gjë e tillë është thënë hapur” – tha Gështenja.