Presidenti i UEFA-s, Aleksandër Ceferin ka mbërritur në kryeministri për të diskutuar çështjen e ndërhyrjes së politikës në zgjedhjet e FSHF-s dhe organizimin e finales së Conference League që është planifikuar të zhvillohet në Tiranë më 25 maj.
Kjo finale është vënë në diskutim pas eksplozivit në shtëpinë e presidentit të FSHF-s Armand Duka më 24 janar. Ndërkohë pas këtij takimi, Ceferin do të vizitojë Shtëpinë e Futbollit ku e pret presidenti Duka.
Ngjarjet e fundit, sidomos eksplozivi në shtëpinë e presidentit Duka, kanë vendosur në pikëpyetje çështjen e sigurisë dhe për këtë arsye kërkohen rikonfirmime nga qeveria shqiptare për të organizuar këtë aktivitet madhor për UEFA-n, që për herë të parë do të zhvillojë finalen e këtij kompeticioni premierë në kryeqytetin shqiptar.
Discussion about this post