Disa ditë më parë Dritan Shakohoxha do të shprehej në një media se ai ishte kandidat zyrtar për kreun e FSHF-së, por Gijotina.com ka mësuar nga burime se kjo gjë nuk është e vërtetë.
Shako do të shprehej më datë 1 shkurt ekzaktësisht kështu: “Sot mund të them se jam kandidat zyrtar për kreun e FSHF-së. Unë po ua konfirmoj këtë, pasi deri më sot nuk ishte zyrtare.
Gijotina.com ka mësuar se Shakohoxha akoma nuk i ka sigurar votat e mjaftueshme për të qenë kandidat në zgjedhjet e 2 marsit që do të mbahen për të zgjedhur presidentin e ardhshëm të FSHF-së.
Për të qenë zyrtarisht kandidat për president të FSHF duhet që të të propozojnë 5 klube ose 5 anëtarë të FSHF dhe Dritan Shakohoxha deri më tani bëhet me dije se ka mundur që të sigurojë vetëm katër, ndërsa kanë nisur presionet dhe shantazhet nga Erion Veliaj që ai të sigurojë edhe votën e pestë.
Anëtarët e FSHF që dërgojnë përfaqësues për të votuar në Asamble janë 26 klube futbolli (10 skuadrat e Superligës dhe 16 të kategorisë së parë), 11 shoqatat, 8 prej të cilave shoqata Rajonale. Delegate me të drejte vote janë 55 , 26 delegatë të 26 klubeve të futbollit ndërsa 26 janë nga 8 shoqatat rajonale dhe nga një delegate kanë shoqata e trajnerëve, arbitrave dhe mjekësisë sportive
Për tu zgjedhur President i FSHF-së në raundin e parë duhen 2/3 e votave, pra 37 vota të delegateve dhe në raundin e dytë mjafton 50% plus 1, ose 28 vota. Kandidatet zyrtare mund të quhen vetëm kur të propozohen sipas rregullave.
Deri më tani 2 janë emrat që janë përfolur më shumë ai i Presidentit aktual Armando Duka dhe Shakohoxha./Gijotina.com/
Discussion about this post