Kutitë e votimit në Itali që janë numëruar të parat tregojnë për një fitore të bindshme të së djathtës. Ky pol kryesohet nga Georgia Meloni që udhëheq partinë “Vëllezërit e Italisë”.
Jo vetëm për Dhomën e Deputetëve, por edhe në Senat koalicioni i djathtë kryeson bindshëm.
Exit Poll e para flasin për një fitore të thellë të qendrës së djathtë në zgjedhjet që u zhvilluan dje në Itali.
Sipas parashikimeve, e djathta mund të marrë 227 deri në 257 deputetë nga 400 që janë gjithsej. Ndërsa e majta 78 deri në 98 deputetë.
Sipas exit poll, e djathta rezulton të ketë shumicën edhe në Senat ku nga 200 vende parashikohet të fitojë 111 deri në 131 vende.
E majta mund të fitojë 33 deri në 53 vende.
Sa i përket votave brenda koalicionit të djathtë “Vëllezërit e Italisë” e Georgia Meloni pritet të marrë 25% ose, Lega e Salvinit 11.5% dhe Forza Italia e Berluskonit 7%.
Discussion about this post