Ka përfunduar procesi i votimit në Kosovë, teksa sipas shifrave të bëra publike nga KQZ, njoftohet se deri në orën 19:00 kanë votuar 43% ose 770 mijë e 171 votues. Të gjitha qendrat e votimit janë mbyllur, ndërsa bëhet me dije se numri total i votuesve është 1 milionë e 885 mijë e 448 votues.
Në krahasim me zgjedhjet lokale të vitit 2017, janë 112 mijë e 313 votues më pak, ku në atë kohë votuan 822 mijë e 484 votues.
Ndërkohë ka nisur dhe procesi i numërimit të fletëve të votimit.
“Shfrytëzoj rastin që në emër të Komisionit Qendror të Zgjedhjeve të falënderoj të gjithë qytetarët e Republikës së Kosovës, që morën pjesë në votime. Lidhur me kohën e saktë të konferencës së radhës ku do të publikojmë rezultatet preliminare, do të njoftoheni me kohë nga Zëdhënësi i KQZ-së.”, është shprehur kryetari Kreshnik Radoniqi.
