Partia Demokratike e drejtuar nga Sali Berisha ka ankimuar në Komisionin e Ankesave dhe Sanksioneve vendimin e KQZ, që nuk e regjistroi si subjekt në zgjedhjet e pjesshme vendore në Bashkinë Kukës.
Një ditë më parë KQZ e drejtuar nga Ilirjan Celibashi regjistroi PDSH me kryetar Lulzim Bashën në zgjedhjet e pjesshme të bashkisë së Kukësit, që do të mbahen në datën 24 shtator.
Në kërkesën ankimore shpjegohen arsyet se pse KAS duhet të hedhë poshtë vendimin e KQZ që regjistroi Lulzim Bashën.
Në këtë shkresë gjithashtu kërkohet që të çregjistrohet PDSH me përfaqësues Lulzim Bashën dhe të regjistrohet PD me përfaqësues Sali Berishën.
Discussion about this post