Komisioni Qendror i Zgjedhjeve miratoi sot, pas një shorti, renditjen e kandidatëve në zgjedhjet e pjesshme vendore që do të mbahen në 24 shtator për bashkinë e Kukësit.
Në garën për kryebashkiak janë Emri Vata, i mbështetur nga Bashkë Fitojmë, dhe Albert Halilaj i PS-së. Ndërkohë në fletën e votimit, kandidati socialist do të mbajë nr1, ndërsa Vata i mbështetur nga Berisha e Meta do të renditet i 2-ti.
Në fletën e votimit do vendoset emri i kandidatit si edhe logo e subjektit politik dhe koalicionit zgjedhor në rastin e Bashkë Fitojmë.
Më 24 shtator qytetarët e Kukësit do t’i drejtohen kutive të votimit për të zgjedhur kryebashkiakun e ri, pas skandalit seksual të Safet Gjicit. Ky i fundit prej disa javësh ndodhet në paraburgimin e Durrësit në pritje të përfundimit të hetimeve nga SPAK.
Discussion about this post