VIDEO/ Zgjedhjet në Kukës, Meta takohet me Berishën në selinë blu

Kryetari i Partisë së Lirisë, Ilir Meta ka shkuar vetëm pak minuta më parë ne selinë blu, ku dhe do të takohet me kryedemokratin Sali Berisha.

Temë e diskutimit mendohet të jetë ajo rreth zgjedhjeve që do të ripërsëriten në Kukës, ku kandidati i Berishës Emri Vata, do të kandidojë nën logon e koalicionin opozitar “Bashkë Fitojmë”.

Zgjedhjet e pjesshme vendore në Kukës zhvillohen më 24 shtator.

Komisioni i Ankesave dhe Sanksioneve ka vendosur që partia më e madhe e opozitës është ajo e drejtuar nga Ilir Meta për shkak se koalicioni “Bashke fitojmë” dhe kandidatët e Sali Berishës kane marrë 18% të votave në 14 maj, ndërsa PD vetëm 7%.

Si rrjedhojë Partia e Lirisë do të marrë më shumë komisionerë e më shumë fonde se sa partia e drejtuar nga Lulzim Basha.

Ndërkohë Partia Demokratike e Bashës është partia e tretë në vend.