Zgjedhjet në Kukës, voton edhe Emri Vata

Emri Vata, kandidati për kryebashkiak të Kukësit, ka votuar në zgjedhjet e pjesshme që po mbahen në qytetin verilindor.

Pas Albert Halilajt nga PS, Emri Vata i është drejtuar kutisë së votimit për votën e tij.

Votimi nisi në orën 07:00, teksa procesi i votimit pritet të mbyllet rreth orës 19:00.

Pjesëmarrja e votuesve deri në mesditë, sipas raportimeve, llogaritet në rreth 20 %, ndërkohë që ka pasur një fluks të lartë në qendrat e votimit pas orës 10:00.

Kukësi po zgjedh kryebashkiakun e ri pak muaj pas 14 Majit, pas dorëheqjes dhe shkarkimit të Safet Gjicit, i cili u përfshi në një skandal seksual.