Norvegjezët shkojnë sot në votime për të zgjedhur një parlament të ri, me Partinë Laburiste të kryeministrit Jonas Gahr Store që besohet se ka një shans të mirë për të dalë sërish në krye.
Sondazhet sugjerojnë se blloku i majtë mund të sigurojë një shumicë të ngushtë vendesh, ndërsa Partia populiste e djathtë Progress parashikohet të dalë e dyta.
Store, i cili drejton një qeveri minoritare, do të duhet të kërkojë mbështetje nga parti të tjera të majta në parlament nëse Laburistët dalin të parët, por kjo mund të varet nga politika për klimën, një nga temat kryesore gjatë fushatës.
Ndërkohë që prodhimi i naftës dhe gazit mbetet burimi më i madh i të ardhurave për vendin, partia ambientaliste MDG, e cila pritet të marrë rreth 7% të votave dhe mund të bëhet një shtyllë e rëndësishme për një qeveri tjetër të mundshme të Støre, kërkon ndalimin e eksplorimeve , ndryshe nga laburistët.
Ndërkaq, planet e qeverisë për të futur një kufi të çmimit të energjisë mund të rezultojnë vendimtare për ta ndihmuar Partinë Laburiste. Edhe pse ekonomia norvegjeze po ecën mirë krahasuar me vendet e tjera evropiane, qytetarët janë prekur nga rritja e inflacionit dhe rënia e fuqisë blerëse.
Me rreth 4 milionë votues të regjistruar, sondazhet e para pritet të dalin menjëherë pasi qendrat e votimit të mbyllen në orën 21:00.
Discussion about this post