Zgjedhjet në veri të Kosovës, shpallin fitoren VV dhe PDK

Zgjedhjet në Veriun e Kosovës kanë përfunduar dhe numërimi i votave ka nisur.

Lëvizja Vetëvendosje ka fituar Mitrovicën e Veriut dhe Leposaviqin, ndërkaq Partia Demokratike e Kosovës fitoi Zubin Potokun dhe Zveçanin.

Deputeti i Lëvizjes Vetëvendosje, Armend Muja, ka thënë se ky subjekt politik ka fituar në Mitrovicë të Veriut dhe Leposaviq.

”Lëvizja VETËVENDOSJE, kandidati Erden Atiq fiton mbi 65% të votave në Komunën Veriore të Mitrovicës. Kandidati Lulzim Hetemi fiton mbi 70% të votave në komunën e Leposaviqit”, ka shkruar Muja në Facebook.