Sot mbështetësit e Lulzim Bashës në PD-në e vulës po organizojnë një process për të rikthyer në krye të tyre Lulzim Bashën, i cili formalisht përballet me Gjergj Hanin.
Pavarësisht kundërshtive, përfshi këtu edhe deputetë dhe Sekretarin e Përgjithshëm të PD-së së vulës, Gazment Bardhi, mbështetësit e Bashës duket se do i shkojnë deri në fund procesit, që sigurisht do të finalizohet me shpalljen e tij si kryetar.
Por ccfarë po ndodh me procesin?
Anëtarja e komisionit zgjedhor në degën nr.7 në Tiranë, Zana Deda ka publikuar në rrjetet sociale një foto ku shihet duke hedhur votën në kuti dhe shkruan se është e para që ka votuar në atë degë. Por, ajo që vihet re është se në kuti ka dhe shumë vota të tjera.
“Si anëtare komisioni që jam, pata kenaqësine të votoj e para ne degën 7, fitoftë me i miri”, shkruan ajo, teksa hedh votën në kuti.
Por nga foto që ka publikuar duket se në kuti janë hedhur edhe disa vota, të cilat nuk dihet nga kanë “mbirë” përsa kohë anëtarja e Komisionit në degën 7 thotë se votoi e para.
Discussion about this post