Sali Berisha ka deklaruar se Partia Demokratike nuk do t’i bojkotojë zgjedhjet e parakohshme lokale për Bashkinë e Tiranës, në rast se shkarkohet Erion Veliaj. Megjithese theksoi faktin se me Edi Ramen nuk ka zgjedhje.
I ftuar në emisionin “Opinion”, Berisha nuk dha një emër kandidati dhe as nëse do të ketë apo jo primare për këtë proces, duke theksuar se do merret vendimi ne struktura. Ai deklaroi se opozita duhet të jetë e bashkuar dhe të futet me kandidat të përbashkët për këtë proces zgjedhor.
“Me Edi Ramën nuk ka zgjedhje, por ne nuk i bojkotojmë, do të futemi në zgjedhje. Ne do të bëjmë gjithçka që të bashkëpunojmë me të gjitha partitë opozitare. Unë besoj se mund të arrijmë që të kemi një kandidat të përbashkët. Opozita pa diskutim që ka kandidat të mirë. Ilir Alimehmeti i plotëson të gjitha kushtet për të kandiduar për bashkinë e Tiranës dhe për çdo post tjetër.
Do vendoset, nuk mund të them nëse do të ketë apo jo primare.
Në qoftë se gjendet një figurië konsesusi e të gjithë opozitës, do të jetë më e mirë, por normalisht një figurë që plotëson disa kushte.
Discussion about this post