Zgjedhjet për kreun e FSHF-së, Salianji: Kryetari i Bashkisë Pogradec mori peng një votues

I ftuar në “Zonë e Lirë”, deputeti i Partisë Demokratike, Ervin Salianji ka denoncuar një ngjarje që sipas tij ka ndodhur sot në Korçë.

Salianji tha se një votues është marrë peng nga kryebashkiaku i Pogradecit, teksa  sot në Korçë po zhvilloheshin zgjedhjet rajone të FSHF-dhe se ai ka marrë shumë mesazhe për një pengmarrje.

“Sot, e dini sa mesazhe kam pasur sot, sepse ishin zgjedhjet në Korçë. Kryetari i Bashkisë së Pogradecit kishte marrë njërin nga këta që votonte dhe i kishte thënë ‘do të të çoj unë aty që të votosh’. Është pengmarrje kjo, e ka sjellë vërdallë dhe e ka çuar të votojë” – tha Salianji.