Ish-kryeministri Sali Berisha në konferencën për gazetarët, akuzoi kryetarin e Grupit Parlamentar Enkelejd Alibeaj se nuk dëshiron të bashkëpunojë me demokratët dhe se i shërben Ramës për të mbajtur peng PD.
“Pas vendimit të gjykatës së Tiranës, të shtyrë tre muaj ose më shumë, njeriun e parë që kam takuar dhe kam shtrirë dorën, ka qenë Alibeaj dhe Gaz Bardhi, u ula më së pari me ta, për të dhënë mesazhin e shkëputjes nga një periudhë jo normale e PD-së. Njeriu që e krijoi u largua duke marrë përgjegjësitë, por kjo aferë gjeti refuzimin e zotit Alibeaj. Jo vetëm refuzoi ofertën, por i urdhëruar nga Edi Rama përmes Bashës, siç e shpreu vet në Shkodër Basha, paditi PD në Gjykatë. Më lejoni tu bëj me dije se padia e tij është nul e void sepse nuk kanë qenë palë. Kodi parashikon se kush mund të paraqesi ankim ndaj një vendimi gjykate. Përveç kësaj, Alibeaj nuk ka asgjë tagër të firmosë një dokument, përveç për kohën që njihej si kr i gr parlamentar”, shprehet Berisha.
Pas përjashtimit nga draft-platforma për bashkimin e PD-së, Berisha shprehet se Alibeaj nuk ka asnjë të drejtë apo tagër që të firmosë dokumentin, përveçse për kohën që njihej si kryetar i grupit parlamentar. Sipas tij, tashmë kryetar është vetëm 1 dhe është komisioni i rithemelimit.
Discussion about this post