Deputeti i PD-së, Luçiano Boçi e ka quajtur një proces tallës të kryeministrit Edi Rama zgjedhjen e Presidentit të ri. Ai ka bërë thirrje se tentativa e Alibeajt për të legjitimuar atë duhet të marrë fund.
“Tentativa e disatë e Alibeajt për të retushuar e legjitimuar procesin tallës të Ramës për zgjedhjen e Presidentit, duke futur në lojë me zor një pjesë të Grupit Parlamentar, nuk mund të vazhdojë. Çdo rol që udhëzohet e zbatohet për interes të Ramës bie ndesh me interesat e demokratëve dhe të publikut”, ka shkruar ndër të tjerash Boçi.
Boçi shkruan se Politikisht procesin e orienton Këshilli Kombëtar dhe grupin e negociatave e përcakton Komisioni i Rithemelimit. Asnjë i komanduar apo i emëruar tjetër e nga të tjerë nuk mund të dalë mbi ketë organ.
Discussion about this post