Guvernatori i Floridës, Ron DeSantis, do të shpallë kandidaturën e tij për president të SHBA në zgjedhjet e 2024, gjatë një diskutimi me Elon Musk, raportojnë mediat amerikane.
Njoftimi thuhet se do të bëhet të mërkurën në mbrëmje, me investitorin e teknologjisë David Sacks që do të veprojë si moderator për diskutimin.
Musk ka treguar më parë mbështetjen e tij për DeSantis si një sfidues të Presidentit Joe Biden.
Në korrik të vitit të kaluar, miliarderi postoi në Tëitter se DeSantis mund të “fitonte lehtësisht” kundër Bidenit dhe nuk do të “kishte nevojë as të bënte fushatë”.
Sidoqoftë, është e paqartë nëse Musk do të mbështesë zyrtarisht DeSantis të mërkurën.
Njoftimi i DeSantis do të vijë në ditën e parë të një mbledhjeje për mbledhjen e fondeve në Miami, ku mbështetësit e tij thuhet se do të informohen për fushatën e ardhshme.
Kjo do t’i japë fund spekulimeve gjatë muajve të fundit se kur DeSantis do të shpallë zyrtarisht kandidaturën e tij.
Gjatë muajve të ardhshëm, ai pritet të prezantohet si një politikan i kompletuar me një listë të gjatë arritjesh të politikës konservatore pa “dramën” e Trump.
Discussion about this post