Replikë në distancë mes kryeministrit Edi Rama dhe drejtuesit të opozitës, Sali Berisha lidhur me rezultatin e zgjedhjeve të 11 Majit. Gjithçka nisi nga një deklaratë e kryeqeveritarit, i cili nga Kuçi, paralajmëroi se do të fitojë zgjedhjet me të paktën 78 mandate.
“74 nuk lëviz, plus 1 në Dibër, 1 në Shkodër, 1 në Fier, 1 në Elbasan, ky është minimumi, 78. Nën 78 nuk bie PS”, tha Rama. “78 është minimumi, çfarë do marrim plus 78. Është një në Kukës, 1 në Shkodër, 1 në Dibër, 1 në Lezhë, 1 në Durrës, 2 në Tiranë, edhe një tjetër në Elbasan, në Korçë nuk lëvizim rrimë tek 6, kemi edhe një në Fier dhe një në Vlorë. Këto janë të mundshme 50%. Pra 88 mandate. Në këndvështrimin tim do të jetë diku midis 78 dhe 88”, shtoi Rama.
Përgjigja nga Berisha erdhi nga një konferencë për mediat nga selia blu, ku kryedemokrati komentoi vendimin e DASH, që sipas raportimeve, ka rrëzuar “non gratën” për të.
I pyetur nga media për deklaratat e Ramës, Berisha tha se “planet e Edi Ramës janë plane krejtësisht qesharake.
“Edi Rama është në ditët e fundit në atë zyrë dhe i them që, shqiptarët të kanë prerë biletën. Të pret McGonigali, mezi po të pret, me të cilin je i lidhur si siamez në shtyllë vertebrore me të”, shtoi ai.
Discussion about this post