OSBE/ODIHR publikon raportin paraprak me gjetjet në ditën e zgjedhjeve duke evidentuar shkeljet e rënda dhe abuzimet e partisë në pushtet dhe të kryeministrit Rama.
Në raportin e OSBE/ODIHR thekson se PS përdori administratën dhe bëri presion nëpunësve të administratës. Po kështu u evidentua shkelja e rëndë dhe akti i paprecendtë i Ramës ndaj Kodit Zgjedhor duke falur gjobat 2 ditë para zgjedhjeve.
“Zgjedhjet ishin konkurruese e u zhvilluan në mënyrë profesionale por ndodhën në një klimë tejet të politizuar.
…Partia në pushtet përfitoi nga përdorimi i burimeve administrative gjatë fushatës duke krijuar një avantazh të padrejtë për ata në pushtet. Pati raste dhe për presione sidomos nëpunësve të administratës publike. Legjilacioni zgjedhor dhe interpretimi i ngushtë nuk parandaloi abuzimin dhe praktikat abuzive. Përqëndrimi i pronësisë së medias minoi pluralizmin e burimeve informative dhe krijoi autocensurë mes gazetarëve. Dy partitë kryesore dominuan. Pati mungesë të autoritetit për të monitoruar fushatën online. Mangësitë dhe paqartësitë reduktuan qartësinë dhe krijuan pasiguri në zbatimin e kuadrit ligjor në frymë e germë. Kjo do të thotë se përputhshmëria me ligjin nuk mundi të parandalojë zbatimin e tij në frymë. Shembull ishte shpallja shumë pak kohë para ditës së zgjedhjeve të faljeve të shumë gjobave shtetërore dhe zbatimin disa vendimeve sociale shumë afër zgjedhjeve”, tha Farah Karimi nga ODHIR.
I pyetur “a i arritën këto zgjedhje standardet ndërkombëtare”, një nga përfaqësuesit e ODHIR u përgjigj se “ne s’bëjmë një vlerësim të përgjithshëm në raport me standarted, shohim aspekte të ndryshme, pra ju do ta shihni që nuk është një situatë bardhë e zi, ka disa hije, disa nuanca”.
“Ka fusha që ka probleme ka që ka disa standarde më të larta. Raporti është për autoritetet dhe të nagzhohen në ato fusha që ka nevojë për përmirësim”, shtoi ai.
Discussion about this post