Ndërhyrja në organizimin e territorit dhe kërkesat politike për ndryshimin e numrit të bashkive mund të hasë në vështirësi në zbatim për zgjedhjet vendore të vitit të ardshëm.
Kryekomisioneri i KQZ-së Ilirjan Celibashi në një intervistë për RTV ORA tregohet i prerë që nuk ka kohë që në zgjedhjet e ardhshme lokale të shkohet me një numër të tjetërsuar të njësive vendore.
Gazetarja: Nëse do të kemi ndryshim të numrit të bashkive, ka kohë KQZ të përgatitet për zgjedhjet vendore të ardhshme?
Celibashi: Jo, është shumë e vështirë.
Një tjetër ndryshim që pritet të adresohet në reformën territoriale ka të bëjë me shkrirjen e qarqeve dhe ndarjen e vendit në rajone.
Por ky objektiv i mazhorancës, sipas Celibashit do të kërkojë ndryshim në kod pasi ndikon drejtpërdrejt në shpërndarjen e mandateve të deputetëve.
Celibashi: Detyrimisht ka një ndryshim të ndarjes së mandateve. Mund të mos ndryshojë sistemi zgjedhor, por llogaritja e mandateve për çdo njësi zgjedhore do të ndryshojë patjetër natyrshëm. Pastaj nëse shkrihen qarqet dhe krijohen struktura të reja dhe kjo reflekton në ndarjen e mandateve.
KQZ kërkon një rol aktiv në tryezën e reformës zgjedhore ndërsa kryekomisioneri tregon edhe ndryshimet e nevojshme në ligjin elektoral.
Celibashi: Mënyrën si organizohen dhe funksionojnë komisionet e niveleve të dyta dhe të treta. Partitë politike të mos vazhdojnë të jenë ato dhe vetëm ato të cilat janë pjesë e administrimit të këtij procesi. E dyta ka të bëjë më procedurat e nxjerrjes së rezultatit dhe numërimi i fletëve të votimit të bëhet në qendrat e votimit. E treta do të ishte, fushata zgjedhore, financimi i partive politike, financimi i fushatës zgjedhore, shqyrtimi i ankesave të ishte pak më e shkurtër.
PD dhe PS do të ulen të premten në tryezë sërish për reformën zgjedhore për të adresuar rekomandimet e ODIHR si dhe për të rregulluar çështjen e herësit, vendim i Gjykatës Kushtetuese, çështje që ndikon në shpërndarjen e mandateve.
Discussion about this post