Deputeti demokrat Enkelejd Alibeaj, i rreshtuar në krah të Lulzim Bashës, dhe bashkëkryetar i Komisionit të Reformës Zgjedhore, në një reagim në rrjetet sociale, shprehet se Komisioni nuk është vendi ku bëhet show politik.
Duke iu përgjigjur deklaratës së Bardhit, ai thotë se opozitarizmi nuk është certifikatë që të mund ta shpërndajë dikush.
“Ashtu siç PD ka bërë deri më tani, për të mbrojtur interesat e qytetarëve shqiptarë dhe zgjedhjet e ndershme: me lista të hapura, Shqipëria 1 zonë elektorale, votë për diasporën dhe votim&numërim elektronik. Rregullat nuk ndryshojnë sa herë që ndonjë deputet ndryshon qëndrim. PD është e vendosur për reformë zgjedhore për shqiptarët”, thotë ai.
Reagimi i Alibeajt
Komisioni i reformës zgjedhore nuk është vendi ku bëhet show politik, qoftë edhe për të shkuar drejt rrugës së shpresës. Opozitarizmi nuk është çertifikatë që të mund ta shpërndajë dikush. Rregullat e lojës janë ato të caktuara, që kur u nis procesi i reformës.
Aty, çdo parti dhe fluks opozitar është i mirëpërfaqësuar, me kërkesë të vetë PDSH. Secili ka të drejtë dhe detyrim të marrë pjesë, të ulet, të punojmë e të bëjmë propozime opozitare bashkë.
Ashtu siç PD ka bërë deri më tani, për të mbrojtur interesat e qytetarëve shqiptarë dhe zgjedhjet e ndershme: me lista të hapura, Shqipëria 1 zonë elektorale, votë për diasporën dhe votim&numërim elektronik. Rregullat nuk ndryshojnë sa herë që ndonjë deputet ndryshon qendrim.
PD është e vendosur pë reformë zgjedhore për shqiptarët !
Discussion about this post