Zv.ministrja e Bujqësisë, Ermira Gjeci ka bërë të ditur se në 24 orët e fundit ka pasur një rast të ri të konfirmuar në qarkun Vlorë me gripin e shpendëve.
Në një deklaratë për mediat, Gjeci tha se Bashkitë duhet të marrin masa për të ndaluar tregtimin e shpendëve të gjalla në mjedise të hapura të pamiratura.
“Kemi marrë zotim nga bashkitë për bashkëpunim për marrjen e masave për ndalimin e tregtimit të shpendëve të gjalla në mjedise të hapura të pamiratuara për shitje. Jemi në monitorim të territorit dhe vazhdojmë fushatën sensibilzuese. Ushqimet në tregun tonë janë të kontrolluara, nuk ka rrezik nga konsumi i mishit dhe vezëve të gatuara mbi 70 gradë”, theksoi Gjeci.
Discussion about this post