Ditën e sotme është hedhur në ambientet e Presidencës shorteu për përzgjedhjen e anëtarëve të Këshillit të KED. Pak minuta pas mbylljes së shorteut ka reaguar presidenti, Ilir Meta, i cili përmes një postimi në Facebook ai uron të gjithë të përzgjedhurit, ndërsa iu kërkon të punojë me integritet dhe komfor Kushtetutës.
“Me transparencë të plotë, në prani të përfaqësuesve të të gjitha institucioneve të përfshira në proces dhe me pjesëmarrjen e mediave të interesuara, që transmetuan live gjithçka, zhvilluam sot në Institucionin e Presidentit të Republikës procedurën e hedhjes së shortit për zgjedhjen e anëtarëve të Këshillit të Emërimeve në Drejtësi, që do të funksionojë përgjatë vitit 2022.
Ju uroj anëtarëve të sapo zgjedhur të Këshillit të Emërimeve në Drejtësi, shumë suksese dhe përmbushjen e detyrës, me përgjegjësi dhe integritet të lartë, ashtu siç ligji dhe Kushtetuta sanksionon”, shkruan ai. Nga ky shorte i zhvilluar sot, në KED u zgjodhën 2 anëtarë nga Gjykata Kushtetuese, 1 përfaqësuesi i Gjykatës së Lartë, 1 përfaqësues i Prokurorisë së Përgjithshme, 2 përfaqësues nga Gjykatat e Apelit, 2 përfaqësues të Prokurorive të Apelit dhe 1 përfaqësues nga Gjykatat Administrative.
Discussion about this post