Partia Demokratike e Rithemelimit ka zhvilluar për dy ditë zgjedhjet për kryetar të 10 degëve të partisë. Procesi është zhvilluar në datat 23 dhe 24 mars nga ora 08:00-18:00.
Gara u zhvillua në Mallakastër, Devoll, Polica, Peqin,Shijak, Bulqizë, Tropojë, Kukës, Kuçovë dhe Mirditë.
Pas numërimit të fletëve të votimit, sipas procesverbaleve zyrtare u shpallën edhe fituesit.
Njoftimi:
Bazuar në Vendimin Nr. 3, datë 26 shkurt 2024 të Kryesisë së PDSH dhe në Vendimin Nr. 4, datë 28 shkurt 2024, të Komisionit për Organizimin dhe Kontrollin e Operacioneve Elektorale, në datat 23 dhe 24 mars 2024 u zhvilluan zgjedhjet për Kryetar në 10 degë të PDSH.
Procesi u hap në orën 8.00 dhe u mbyll në pjesën më të madhe të degëve në orën 18.00.
Pas numurimit të fletëve të votimit, sipas procesverbaleve zyrtare të mbërritura pranë KOKOEs nga Komisionet e Votimit dhe Numurimit, fitues në garën për Kryetar sipas degëve, u shpallën si më poshtë vijon:
PD dega Mallakastër, z. Resmi Bilbil Shanaj me 82% të votave
PD dega Devoll, z. Elvis Jani Hajdërlli me 74% të votave
PD dega Polican, z. Behar Veli Xhaferaj me 63% të votave
PD dega Peqin, z. Mustafa Zylyf Pashja me 88% të votave
PD dega Shijak, z. Denis Lutfi Duka me 53% të votave
PD dega Bulqizë, z. Shaqir Mislaf Manjani me 78% të votave
PD dega Tropoje, z. Bardhyl Sahit Hoxhaj me 71% të votave
PD dega Kukës, z. Rrahman Shefqet Dema me 58% të votave
PD dega Kucovë, z. Nevjan Pasho, me 94% të votave
PD dega Mirditë, z. Aleksandër Lala, me 85% të votave
Komisioni i Organizimit dhe Kontrollit të Operacioneve Elektorale falenderon të gjithë anëtarët që u bënë pjesë aktive e procesit të votimit për zgjedhjen me parimin një anëtar një votë të Kryetarëve të degëve të tyre.
Discussion about this post