Ermal Onuzi është emëruar si kreu i ri i Gardës së Republikës. Ky emërim ka ardhur pas dorëheqjes së Gramoz Sakos, i cili kishte mbajtur këtë post më parë.
Në garën për këtë pozicion të lartë, ishin përfshirë gjashtë konkurrentë, përfshirë edhe ish-kreun e Policisë së Shtetit, Artan Didi.
Pas procesit të vlerësimit dhe intervistave, Ermal Onuzi ka dalë si fitues dhe do të marrë përgjegjësinë për të udhëhequr Gardën e Republikës.
Ermal Onuzi ka një sfond profesional në siguri, duke punuar më parë për një kompani konçesionare.
I paracaktuar?
Partia Demokratike, nëpërmjet kreut të Grupit Parlamentar, Gazment Bardhi, ka denoncuar që në muajin mars se kryeministri Edi Rama po ndryshonte ligjin për kriteret e përzgjedhjes së drejtuesit të Gardës së Republikës, me qëllim që të emëronte Ermal Onuzin në krye të saj.
“Korrupsion me tendera publik, korrupsion me kontratat koncensionare, korrupsion në çdo sferë ekonomike. Së fundi edhe korrupsion politik përmes ligjeve me porosi. Ndryshimet në ligjin për Gardën e Republikës dhe lehtësimi i kritereve për drejtorin e Gardës janë përshtatur për të emëruar në krye Ermal Onuzin”– do të shprehej Bardhi.
Discussion about this post