Ethem Fejzullari do të jetë kryetari i ri i Shoqatës Anti-komuniste të të Përndjekurve Politikë të Shqipërisë.
Ditën e sotme me shumicë votash Kuvendi i Shoqatës Anti-komuniste zgjodhi pasuesin e Nebil Çikës.
Në kuvend morën pjesë edhe dy deputetët e PD-së, Alibeaj e Alizoti, të cilët dhanë mesazhet e forcimit dhe të konsolidimit të shoqatës anti-komuniste.
Kujtojmë se ish-kryetari i shoqatës së të “Përndjekurve Politik”, ishte kundër vendimit të Bashës për largimin e Berishës. Pas deklaratës së studiueses Jonila Godole, një ditë pasi mori postin si drejtuese e Sekretariatit për të Përndjekurit Politikë në Partinë Demokratike, e cila tha se PD duhej të distancohej nga ish-kryeministri Sali Berisha, reagoi Nebil Çika, tashmë ish-kreu i Shoqatës së ish të Përndjekurve Politikë.
Në reagimin e tij në rrjetet sociale, Çika sqaron se emërimi i Godoles në këtë post nga kryedemokrati nuk ka lidhje me shoqatën, si dhe e akuzoi Bashën për vendimmarrje të gabuara në raport me ish të përndjekurit.
